Turqia ka akuzuar Francën se ka mirëpritur terroristët, pasi Presidenti Emmanuel Macron është takuar me një delegacion të kurdëve nga Forcat Demokratike të Sirisë dhe vlerësoi përpjekjet e tyre në stabilizimin e zonave në pjesët veriore të vendit.

“Nëse është e saktë, deklarata mbi ndërmjetësimin mes Turqisë dhe SFD-së arrin të kalojë vijën”, tha Presidenti Recep Tayyip Erdogan, transmeton portali arbresh.info

“Ata që dje pritën terroristët e një niveli të lartë, duhet të dinë se kjo është vetëm një shprehje armiqësore kundër Turqisë”, shtoi ai.

Macron u takua të enjten në Paris me delegatët e SDF dhe “përshëndeti” përpjekjet e tyre kundër Shtetit Islamik, i cili mbetet prioritet i Francës, sipas një deklarate të zyrës së presidentit.

“Ai siguroi SDF për mbështetjen e Francës, në veçanti për stabilizimin e zonës së sigurisë në Sirinë verilindore, brenda një kornize të qeverisjes gjithëpërfshirëse dhe të balancuar, për të parandaluar çdo ringjallje të Shtetit Islamik”, tha zyra e Macron.

Përfaqësuesit kurdë u kanë thënë mediave franceze se takimi në Francë kishte për qëllim dërgimin e ushtarëve në Siri, në zonat e kontrolluara nga kurdët.

Zyra e Macron ka bërë të ditur se qeveria franceze nuk është duke planifikuar të kryejë ndonjë operacion jashtë koalicionit të udhëhequr nga SHBA-të./arbresh.info/